Vroclavo, en sud-okcidenta Pollando, estos la kongresurbo de la 72-a Internacia Junulara Kongreso - decidis la Estraro de TEJO en sia reta kunsido, la 17-an de novembro 2014. Pola Esperanto-Junularo proponis okazigi la kongreson en 2016 en tiu urbo, ĉar en la sama jaro ĝi estos ankaŭ la Eŭropa Kultura Ĉefurbo, apud Donostio en Hispanio. Alia avantaĝo estas proksimeco al la kongresurbo de la 101-a UK, Nitra en Slovakio. La lasta IJK en Pollando okazis 11 jarojn pli frue en Zakopane (2005).